2-قالك في شيباني ,, بيشري سيارة ,, قالو له احسن حاجــة اشري مكسمـة ,,مش عادية بكل ثلاثيـن حصـان ,, اطير طيـران ,, المهم عمك الحويج خاطم في الطريق ,, و يلقى قدامـه صور و ايخش فيه ,, اتلقطوا عليه الناس ,, خير يا حويج لاباس شن صار ,, انزل من السيارة ايعيط الحويج ,, خزيه الشعب الكذاب ,, قالك ثلاثين حصـان ,, ما نقزش منهم و لا حصــان
3-قالك واحد مصـري ايعيط على واحد فوق العمـارة ,, ايقوله ارمي الحبل , انت يا قدع يا الي فوق ارمي الحبل ,, امشي جاه واحد قاله انجليزي ما يفهمش فيك ,, كلمه بالانجليزي ,,, قاله المصري اوكي ,, امشي المصري قال لي الراجل الي فوق( دو سبيك انجلش) الراجل قاله يس ,, قاله المصري طب ارمــي الحبــل
4-قالك في واحد سكـران ,, اركب سيارته ,, ما القاش الدومان و الفودرا و البضاعـة ,,استغرب اتصـل بالشرطـة ,, قال لهم السيارة انخنبت,, الفودار و الدومان و البضاعة مهناش,, جوه الشـرطــة ,, القـــوه راكب في السيارة من الكــرسي التلاني
5- واحد سكران طينة امعكس في الشارع في الليل القي سوداني شاد شكاير كناسة قاله ربي يصون .
6-سكران طاح من فوق عمارة قالولله لابس شنو صار قاللهم و الله ماني عارف حتى اني كيف واصل .
7-في واحد مصري مشي للجزار قاله اعطيني لحمة بجنيه قاله الجزار هاك الحس الشيتة .
8-واحد ماشي في الطريق و عنده بيجو القي واحد عنده مكسمة مشي قاله شنو رايك انديرو افاري .. قاله صاحب المكسمة تي شنو تحسابني خروف انبدل مكسمة بي بيجو .. قاله صاحب البيجو هادي فيها سر مشي ضرب علي الكوفني طلع مارد قاله برا جيب شاهي و كاكوية ... مشي صاحب المكسمة فرح .. بدلو لي بعضهم .. روح صاحب المكسمة بالبيجو قالوله اهله يامهبول اتبدل مكسمة بالبيجو .. قاللهم هاذي فيها سر ضرب علي الكوفنو جاه المارد قاله جيبلي 2 ليبو و 1 مكسمة .. قاله المارد أسف اختصاصي شاهي و كاكاوية بس .
9- مراءة ليبية مشت من سيربح المليون مشي علقت في سؤال طلبت استعانة بصديقة .. اتصل جورج قرداحي : الوو أخت فاطمة .. معاك جورج قرداحي من برنامج من سيربح المليون .. قاتله و النبي سكر من غير تسهويك .
10-فيه ابلة تشرح للطلبة درس الاتحاد قوة مشي نوضت طالب اسمه ابو عجيلة .. قالت توا بنعطو لي ابو عجيلة عصا وحدة بكسرها .. طربق ابو عجيلة العصا .. قالت توا بنعطوا ابو عجيلة عصاتين مع بعض .. طربق ابو عجيلة العصاتين .. بعدين قالت توا بنعطوا ابو عجيلة الحزمة كلها مايقدرش يكسرها .. مشي طربق ابو عجيلة الحزمة كلها .. قالت له فلقت الدرس يا ابو عجيلة
11-مره واحد سئلوه شن تعريف الزوجة: هى غلطه،ورطه وطول العمر ربطه يا تصيب يا تخيب يا تجيب جلطه
:lo
12-مرة واحد بيدير ريجيم وصاه الدكتور يمشي لمدة 15 اليوم على رجليه بعد اسبوعين اتصل بالدكتور قاله انا على حدود السعودية انكمل ولا انروح
13-قالك مرة واحد تضرب فيه مرته مشي لصحابه قالوله لما تضربك ما تسكتلهاش قاللهم حتى انا مش ساكتلها هيا تضرب و انا انعيط
14-مرة فى واحد نوضه الأستاد قاله شن إسمك قاله المبرى على المبرى قاله قول مبرى من الجهتين وخلاص
15-قالك مره لفعه(أفعى) حشاكم عندها ضعف نظر جاها انهيار عصبي صاخت علاااش بعد اربع سنين علاقة حب طلع طوبو اميه
16-واحد فضولي قالوله اترك الفضول نعطوك نص عيماره قاللهم النص الاخر لمن
17-قالك في مره واحد خش في رجله مسمار امشي للمستشفي قاله الدكتور رجلك تبي عمليه واربعه الاف دينار ..حسبها في دماغه القاها برنامج وووفلوس.. قاله عوجه وخليه
18-مرة واحد ايقول:احسن خمس اشياء في الدنيا ثلاث الاكل والنوم
19-واحد نذل موجود في غرفة الانعاش وصى اولاده ايكونوا انذل منه .. فمشوا قطعوا اعليه انبوبة الاكسجين
20-الأستاذ يسأل:أعطوني اسم حيوان يطير؟الطالب :الفيل ياأسـتاذ!!الأستاذ: شن هالغباء, شن يشتغل بوك؟ الطالب: في المخابرات أستاذ. الأستاذ:مش مشكله الفيل ممكن يطير إذا شد حيله
21-غبي وقفه المدرس وقاله اكتب رقم 11… كتب واحد…وسأل المدرس الواحدالثاني على اليمين والا على اليسار؟
ارجو ان تكونو استمتعتم مع هده النكت المضحكة والخفيفة