منتدى ثانوية جنزور التخصصية

أهلا بك في منتدى ثانوية جنزور التخصصية
ندعوك للتسجيل معنا في منتدانا المتواضع ومشاركتنا أرائك وإقتراحاتك
منتدى ثانوية جنزور التخصصية

منتدى لطلبة وطالبات التانوية


    افضل 99 نكتة في ليبيا

    شاطر
    avatar
    smile girl
    مهندسة شاطرة _مشرفة قسم الأغاني والفيديوهات
    مهندسة شاطرة _مشرفة قسم الأغاني والفيديوهات

    السنة الدراسية : اولي ابتدائي
    الجنس : انثى الجدي عدد المساهمات : 505
    نقاط : 29043
    السٌّمعَة : 7
    تاريخ الميلاد : 14/01/1996
    تاريخ التسجيل : 31/10/2010
    العمر : 22
    العمل/الترفيه : طالبة هندسية
    المزاج : جـــــيــــــعــــااااانــــة ^^

    افضل 99 نكتة في ليبيا

    مُساهمة من طرف smile girl في الأحد 20 نوفمبر - 22:28

    أجمل 99 نكته ليبية
    1. واحد دار سلاطة بدون زيت فوزت.
    2. واحد طلب قهوة لقاها مخطوبة.
    3. واحد جاته الزكمة ملقاتاش
    4. واحد حط أيده علي فم كبده نتشاته
    5. واحد خش في موضوع كسره.
    6. واحد قدم شكوة أعطوه لبن
    7. واحد جري فيه الدم جابها الأول
    8. واحد داروله عملية مفهمهاش
    9. واحد وقفاته المطر شد عليها موس
    10. واحد عيونه ضيقات فتحهم علي بعض
    11. واحد سكر دماغه على صوابع ولده
    12. واحد وسع باله درسوله فيه طانطة
    13. واحد شري حوش عربي داروله تكة
    14. واحد بات برا ولي قارص
    15. واحد حوشه يقطر طباته الشرطة
    16. واحد شده الضي تعشي عنده
    17. واحد بطنه كبيرة ساقها برخصة ثانية
    18. واحد أخلاقه عالية ركبوله بسلوم
    19. واحد طاح في حفرة تزوجها
    20. واحد كمل قرايته ولي علي قراية خوه
    21. واحد رفع معنويات خوه طاحوا عليه
    22. واحد لبسوله قضية جاته واسعة
    23. واحد بلع محاية انمحت ذكرياته
    24. واحد بلع مرشة جرح شعوره
    25. واحد بيفتح صفحة جديدة لقاها مخربشة
    26. واحد بيقص الطريق رفع معاه مقص
    27. واحد بيمشي للزاوية رفع معاه منقلة
    28. واحد بوه واصل مزقه
    29. واحد سكران .. خش كافتيريا قال : عطيني اثنين قهوة واحد وسط , واحد هجوم
    30. واحد دلوع تزوج دلوعه جابوا ولد سموه: يااااااي
    31. واحد يحب الموبايل جاب بنت سماها شفرة
    32. واحد حقير حطوه مدير على مدرسة معاقين حط أول حصة قفز حواجز
    33. واحد بخيل انحرق حوشه دار رنه لجماعة المطافى وسكر عليهم
    34. واحد سوداني تزوج سودانية ... جابوا ولد ابيض واشقر وعيونه خضر... سموه المستحيل بزاتو
    35. واحد مريض بالسكر تزوج وحدة زيه ..... جابوا عيل عسل يقطر
    36. واحد يجري وراء فار بالكورة ليش ؟؟؟ يحسابه بوكيمون
    37. واحد حشيشتة أفلام .... مات أبوه كتب على قبره .. the end النهاية
    38. واحد تعارك هوا وأمه.. جبلها صندوق حليب وقاللها هدا اللي بيني وبينك
    39. واحد بخيل مات ... لقوه حاط تحته ورقة مكتوب عليها ما تغسلونيش مدوش وآتي
    40. مدرس ومدرسه تزوجوا كتبوا الكتاب على السبورة ....!
    41. واحد دماغه مسكر أول مره يأكل مستكه حلف ما يرقد لين يكملها
    42. واحد مسطول ركب فوق حمار بالعكس وقاله طلع رأسك بلا جو الفكارين
    43. مرور وقف واحد وقاله هات وراقك الثاني رد عليه .. شن حصلت لي تعيين ؟
    44. واحد حط يده في أشيدوا لقاها مهناكش غطس رأسه يدور فيها
    45. سكران شدا ته الشرطة قالوا له اركب قال لهم لا والله الحوش قريب
    46. ميكانيكي اشري سرير رقد تحته...,؟
    47. صرصور مريض في المستشفي قالوله شنوا امنيت حياتك قال لهم انشوف رقم الشبشب اللي ضربني....؟
    48. مسطول فتح محل غاز فجر اسطوانتين في نص البلاد دعاية
    49. واحد سكران شري موبايل قال لخوه اكتبلى مسج أنت خطك أحلى من خطى .....؟
    50. في واحد غبي شاف إشارة ممنوع الوقوف انبطح

    51. كبش سأل كبش:مر عليك عيدين و ما اندبحتش ..ليش؟قاله:لاني مسجل بشهادة ميلاد حمار يا راص
    52. كتكوت يرقص في الشارع شافه ديك قاله ما عندكش أهل يربوك قال لا تفقيس مكينة ,
    53. واحد طايحات كل سنونه ألا الأنياب قدم على وظيفه عينوووه خرامه ورق
    54. واحد شاف واحد يغرق قاله أنقذني رد عليه سامحني يا خوي هذا يومك خلاص عليك ...
    55. في صرصورين راقدين في غرفه الإنعاش واحد سئل الثاني قاله فليت قاله لا شبشب
    56. واحد أول مرة ياخد مشرف على حجّاج .. قالهم : كان شديتوا حيلكم .. نكملو قبل العيد !
    57. واحد يسأل صاحبه : تتوقع الجمعة يوافق آخر الشهر ؟ قاله : لو ضغطنا عليه ممكن يوافق !!
    58. واحد سأل صاحبه : اليوم السبت ولا الأحد .. رد عليه : الإثنين .. قاله : ما شاء الله جو مع بعض ..!!!!
    59. واحد سأل أمه قاللها ..... امتى اندير عرس .. قالتله إذا كبرت وصرت حمار زي بوك.
    60. فيه واحد غبي قال له ولده: بوي جيب لي مدرس خصوصي! قاله بوه .... كان نجحت نجيبلك واحد جديد بالباكو.
    61. زوز محشيشين مقعمزين قدام مراية الاول قال للتاني شنو رايك نمشو نسلمو عليهم!!! ناضو مشو , شوي التاني قاله لالا قعمز اهم جو .
    62. زوز متخريطين واحد قال للتانى امك حية قاله لا عقرب .. قاله يارجل امك عايشة قاله لا خديجة .. باهي امك لايف .. قاله لا تسجيل ... رد عليه وقاله بععععععععععععععععععععع .
    63. .
    64. _واحد مسبب زحمة سيارات, وسيارته واقفه... مطفي السيارة ويحك في ودنه
    بالمفتاح........

    65. _ واحد دخل الحمام مكتوب عليه دورة مياه دار اشتراك
    66. _واحد غبي يسال في أمه لما يكبروا أصحابي مع من نلعب
    67. _سكران اتصل بالشرطه وقاللهم فيه حادث فيه 40 سيارة جت الشرطه لقاته رابش سيارات
    68. _واحد ليبي عزم باكستاني على الغداء وقاله نورت الحوش وبعد فتره عزم الباكستاني الليبي وقال له أنت فيه لمبة كبير
    69. _واحد رقد متأخر فاته الحلم
    70. _واحد بخيل تزوج وحده بخيله جابوا ولد حطوه في الشقاقه
    71. _واحد خش حمام افرنجي ومعاه مترجم
    72. _واحد شاف دعاية على المالبورو شري حصان
    73. _واحد زرع ورده طلعت أم كلثوم
    74. _خروف مصاب بانهيار عصبي لان عيد الأضحى قريب
    75. _دبانه تطير فوق خروف ميت.. تحساب روحها صقر
    76. _ واحد مشي للدكتور بعد ما كشف عليه قال له عندك فيروز في المعدة قال له زيد فتش بالك تلقى كاظم الساهر
    77. _مرة في واحد غبي يسكن في الدور العاشر اتصلوا به وقالوله ألو جمعة بوك وأمك ومرتك وصغارك ضربتهم سيارة وماتوا طول , من غير تفكير انقز من الدور العاشر لما نقز وهو كيف وصل للدور الثامن قل حي أنى بوى وأمي ميتين من قبل ولما وصل للدور الخامس قال حي أنى مش متجوز ولما وصل للدور التانى قال حي أنى مإسماييش جمعة

    78. قالك واحد بدير عملية انتحــاريــة ,, خش في زحمــة ,, و اضرب روحه بمــوس
    79. قالك واحد يبي يقطع شارع ستين ,, ما القاشي ,, اقطع شارع ثلاثين مرتين
    80. صرصور طالع من محل مواد غذائية زعلان ,ليش؟لانه شاف صورة بوه على حكة فليت
    81. -في فريق نمل معاهم صرصور ليش؟لاعب أجنبي
    82. -صرصور طالع من الخلاط دايخ قال :يا عنبوا اللي خش للملاهي مرة ثانية
    83. -واحد قتل بوه ليش؟بيش يمشي لرحلة الأيتام-باهي ليش قتل عمه؟لانه يبي ولد عمه يمشي معاه -وليش قتل خاله؟لان الاجرام مشي في دمه-وليش انتحر؟لان رحلة الأيتام التغت.
    84. واحد مشي بحدا شيباني قال للشيباني مافاتتش عليك سيارة معبية قرودة قاله شن طايح منهم.

    85. في سوداني سكران سألوه عن جنسيته قال لبناني غامق.
    86. في واحد مسطول سألوه شن اسم خوتك ؟ قال: كلهم اسمهم محمد إلاّ صالح اسمه خالد.
    87. واحد سكران مروح للحوش كل ما يبي يفتح الباب مش قادر يشبح فتحة الباب، ولده شبحه من الروشن وقاله بوي نحذف لك المفتاح , قال له المفتاح عندي يا فرخ , احذف فتحة الباب.
    88. في واحد معاه أرنب يبي يبيعها جاه واحد سكران وقال له بكم القرد ؟ رد عليه .. يا خوي هذا أرنب مش قرد .. قال السكران ,يا ودي نسأل في الأرنب ما نسألش فيك أنت .
    89. سكران يسأل في سكران ثاني الساعة كم قاله ... مش عارف , قاله غريبة أنا عندي ... مش عارف ألا ربع
    90. مسطول مشي يخطب قد موله شاهي فيه كيس ليبتون ؟ قال من البداية تبو أدير ولنا سحر


    91. مسطول يسوق في سياره... وقف عند اشاره مرور و بحداه سواق تاكسي التفت عليه السكران وقاله: فاضي؟ قال سواق التاكسي: إيه... قال السكران : باهي انزل هدرز معاي ...

    92. مسطول مدخل رأسه في قفص الأسد .. قال له الحارس وخر رأسك .. قال السكران ماتخافش مش حناكله

    93. سحنون سكن جنب بدوي ... جاه البدوي يبي يعزمه وقاله: يا جار عشاك اليوم عندنا.... قال السحنون: واااااك , واااااك , هو عشي نفرين , شن رفعه غادي عندكم .

    94. عزوز نبت لها ثالول في وجها ...... فرحت ؟ تسحابه حب شباب


    95. وحدين يقروا برا ..... مات أبو واحد منهم واحتاروا كيف يقولوله ..... واحد منهم فالح قال : أنى انقوله.... امشاله ..... وقال له : أمتي آخر مرة شفت فيها بوك ؟ قاله : قبل شهرين ..... قال الفالح : دقلي وشمة كان شفته مرة ثانية

    96. عائلة ساكنة في خيمة والمراة والراجل متكيين في الليل شبحت المراة للسماء وقالت لراجلها شن تشوف ؟ قاللها انشوف في انجوم .... قالت وهدا على شن يدل ؟ قال الراجل : إن فيه مجرات وكواكب في هالكون . قالت المراة هذا أيدل إن الخيمة انخنبت يا فالح
    97. واحد قال لبوه : بوي رخصتي طاحت .... قاله بوه : أكيد من كثرة دورانك في الشوارع

    98. المدرس شن هي الكلمة التي يستخدمها التلاميذ عادة ؟؟ التلميذ : مانعرفش يا أستاذ . الأستاذ : أحسنت
    99. اثنين سكارى .. الأول قال : عيني حمرة شن اندير ... قاله الثاني خليك واقف لما تولي خضرة امشي


    _________________
    امــــازيـــغــيــة وافــــتـــخــــر ولـلـيـ مـــشـ عـــاجـــبـــه يــ ـــنــ ـــتــ ــحـــ ـــر



    << t h e
    >> S M I L E . G I R L


    ^_^
    avatar
    INTER MILAN
    مهندس محترف _ مشرف قسم العلوم الهندسية
    مهندس محترف _ مشرف قسم العلوم الهندسية

    السنة الدراسية : اولى
    الجنس : ذكر الميزان عدد المساهمات : 1419
    نقاط : 30188
    السٌّمعَة : 20
    تاريخ الميلاد : 26/09/1995
    تاريخ التسجيل : 11/10/2010
    العمر : 22
    الموقع : ziyad95_m@yahoo.com
    العمل/الترفيه : كرة السلة
    المزاج : متقلب المزاج

    رد: افضل 99 نكتة في ليبيا

    مُساهمة من طرف INTER MILAN في الإثنين 21 نوفمبر - 16:21

    ابداع الحقيقة
    قريب متت بضحك
    والله قريتهم ال99
    صح الاولات قدم لكن بعين هداكة وين يبدى الجو
    مشكورة علي الجهد المبدول


    _________________

    ا

    اسد الصحراء
    avatar
    smile girl
    مهندسة شاطرة _مشرفة قسم الأغاني والفيديوهات
    مهندسة شاطرة _مشرفة قسم الأغاني والفيديوهات

    السنة الدراسية : اولي ابتدائي
    الجنس : انثى الجدي عدد المساهمات : 505
    نقاط : 29043
    السٌّمعَة : 7
    تاريخ الميلاد : 14/01/1996
    تاريخ التسجيل : 31/10/2010
    العمر : 22
    العمل/الترفيه : طالبة هندسية
    المزاج : جـــــيــــــعــــااااانــــة ^^

    رد: افضل 99 نكتة في ليبيا

    مُساهمة من طرف smile girl في الإثنين 21 نوفمبر - 22:54

    العفو

    ^_^

    يسلمو علي المرور


    _________________
    امــــازيـــغــيــة وافــــتـــخــــر ولـلـيـ مـــشـ عـــاجـــبـــه يــ ـــنــ ـــتــ ــحـــ ـــر



    << t h e
    >> S M I L E . G I R L


    ^_^
    avatar
    INTER MILAN
    مهندس محترف _ مشرف قسم العلوم الهندسية
    مهندس محترف _ مشرف قسم العلوم الهندسية

    السنة الدراسية : اولى
    الجنس : ذكر الميزان عدد المساهمات : 1419
    نقاط : 30188
    السٌّمعَة : 20
    تاريخ الميلاد : 26/09/1995
    تاريخ التسجيل : 11/10/2010
    العمر : 22
    الموقع : ziyad95_m@yahoo.com
    العمل/الترفيه : كرة السلة
    المزاج : متقلب المزاج

    رد: افضل 99 نكتة في ليبيا

    مُساهمة من طرف INTER MILAN في الثلاثاء 22 نوفمبر - 8:10

    ولو هدا واجبنا Embarassed


    _________________

    ا

    اسد الصحراء

      الوقت/التاريخ الآن هو الثلاثاء 14 أغسطس - 4:52