كل واحد يكتب علي نفسه باش نتعرفو عليه اكتر

السلام عليكم هدا أول موضوع نساهم بيه و إن شاء الله يعجبكم كل واحد ايقول صفاته شن ايحب شن ما يحبش خلوني نتكلم علي روحي . الصفات:هادئة خجولة حلوة او مش حلوة ما نعرفش الي يعرفوني ايعلقو نحيفة طويلة نحب الناس و نساير هلبا نحب نضحك وانضحك الناس معاي حساسة صاحبة ضمير ضميري يأنب فيا علي ابسط حاجةقلبي أبيض نسامح بسرعة حتي لو كانت بطريقة غير مباشرة مانعدلش كان حد علق عليا لأني متعودة محترمة ما نقولش في حاجة تجرح شعور الأخرين ما نقولش كلمة كرهت الا إذا كان خلاص وصلت للحد ما ننساش في شي ولا حد ذكية بس دماغي تسكر بعد الإعدادية ما نعرفش علاش كنت من الأوئل في المدرسة بس مش تقولو دماغي سطل لأنه ماتصكرش هلبا؛ عندي هلبا عقد ما نعرفش نتكلم مع الأولاد و خاصة كان ما يقروش معاي اما الي يقرو معاي عادي لأن متعودة عليهم نتحشم هلبا .مانحبش الجكترا اصلا مافيش حد عنده حاجة باش يتجكتر عليها ما نحبش الرياضيات اكره مادة؛ وإلي آخره والقائمة ما تكملش بس انتو دوركم توا باش تعرفونا عليكم باش نفهموكم اكتر وكلمة أخيرة مافيش حد ماعنداش عيوب وعمركم ما توثقو في حد ثقة هلبا لدرجة تعميكم لأنه مع الأسف مش كل الناس قلبهم ابيض مع سلامي الحار وأطيب التمنيات .sally

بيــــــ أهلا ــــــــــــــك في المنتدي ومشكوووووووووووره علي الموضوع ياحلوه

م

الصفات:
الميزات ...........دلوعه_هادئه_مطيعه_رقيقه وحساسه_حبوبه_شاطره في القرايا_نحب الرياضيات..........
العيوب ...........كسوله هلباااااااا_غير مباليه_نستعبط هلبا......وياسر من الفضايح

موضوع حلو
الصفات
نكره حاجة اسمها دلع وان ان ندلع زي البنات قلبي قوي ما نحبش
من يتجكتر وانا اصلا ما نتجكترش نجدب في الانتباه ديمة بطريقة تفكيري
انمووووووووت في حاجة اسمها رياضة و خاصة كرة السلة اكيد هوايتي
خجول مع الخجول بس و مطلوق مع المطلوق الي حد المعقول لدرجة ما
طيب صح بس ما نحبش من يغلط معاي غلط يكون فيه الغالط قاصد غلطته
وفي مخلص
اما موضوع الدكاء الناس تحكممش انا بس انا انشوف في روحي كويس
بس الناس ديمة يقولولي دكي بس مهمل
يعني انا دماغي انظيف بس انا منقراش فلهدا ميزة ماشية علي الفاضي
وموضوع الجمال الراجل بقلبه و عقله مش بشكله
انمووت في حاجة اسمها رياضيات و فيزياء و انجليزي
بس لازم يكونو الابلات كويسات بش انا نستجيب

بس في عقدة صغيرة عندي مرات دماغي يوقف عن العمل
في هداكة الوقت حتى 1+1 معاش نعرفها
سبحان الله بس الحمدالله ما تصيرش هلبة
سريع الغضب
نحب ديمة حد يوصل فيا ان انحلها ودي
بس كان هو بدى يتمرجل لابدمن استخدام القوة
وهادم هي ابرز الصفات

مشكورة مرة تانية علي الموضوع

مشكورين علي ردودكم الحلوة صح حتي اني في حاجات زيك ميلان او اكتر حاجة الي هيا زيني متاع 1+1هدا لاش ما نشاركش في حصة الرياضيات لانه ما نعرفش نحسب في دماغي هههههه

تعرفي ساعتين انفكر شن نكتب عن روحي وما عرفت

ترا اكتبو مواصفاتي وانتم كيف تشبحوني لاني ما نعرف نحكم على نفسي

?????????????
والله يا بنت فلسطين انت بنت وانا ولد وتانية انت ما تتكلميش هلبة
وما تهرزيش هلبة
واما في النت مستحيل نقدر انقولك صفاتك الان هدرزت معاك في النت

واماانت يا سالي لا انا بلعكس انموت في الجمع و الطرح والضرب
الرياضيات بصفة عامة انحبها

ههههههههههههه والله مش عارفة شن نكتب عن روحي

نتمنى من سالي لانها تعرفني اتقول صفاتي ^_^

ومن اي بنت تعرفني اتقول شن تشبح فيا وشن هم صفاتي ^_^

دلوعة ههههه انبصر كان هكي راني ما عدلتش عليك كتيرة الكلام معقدة أكتر مني تحبي الرياضيات سريعة الغضب علي ابسط حاجة تبكي من غير سبب وبعدين اني مش من نوع الناس إلي يحكم عالتانين

ههههههههههههههههههههههههههههههههههههههههههههههههههه

نسيتي اني نضحك ديما وخاصة لما نرتبك

اممم بديت انفكر شن صفاتي ترا نكتب عن روحي (اعتطيني الشجاعة )

الي قلتيه صح


اممممممم هيا انحاول نتكلم عن نفسي



امم

انحس في روحي طيبة زيادة عن اللزم

منحبش نتعارك مع حد واصلا كان حد كلمني ما نعرف انرد عليه او ناخد حقي بنفسي


وفي حاجة ما حد يعرفها ديما مدايرة روحي فرحانة وديما سعيدة مع انه بداخلي عكس هكي تماما ديما اندير في وجه متاع الابتسامة ونساير في الكل وانخلي كل منحوليا ايكونو مرتاحين و فرحانين حتى لو على حسابي الشخصي يعني ايكونو فرحانين وانا الي نزعل المهم كل الي بحداي والمحيطين بيا فرحانين


امممم شن تاني

والله راحت الخريطة مني ونسيت شن كنت نبي نكتب

ههههههههههههه
راحت الخريطة
به كويس

خلاص امتا نبي تحلولي رياضيات وفيزياء نجيكم وأنتو كان تبو إنجليزي تفضلو هههههه

ههههههههههههههه

ولا يهمك ما فيش مشكلة هدا لو احتجتي

تي تعرفي في بنت اسمها امل راصها حربي مشاء الله تبارك الرحمن

والله قمة في الدكاء

فلهدا يعني مش رح تحتاجينى

أصلا هيا صاحبتي هههههه ما شاء الله عليها دماغها نضيييف دماغها يساوي 10دماغات 10+2=12زيادة الخير خيرين هههههه

هههههههههههههه
قالو ممكن بيستخدمو دماغها في صنع الاسلحة النووية
ههههههههه

ههههههههههههههادي خيرها حالة عيونها

هادي صار ... انا ليا اسم را

شن اتقرمو في البنت حرام عليكم توا انقوللها

وينها هادي
عادي قوليلها

ميلان ايقرم فيها ما يسحابهاش صاحبتي ههههههه نتلاقو السنة اجاية و ياكل علي راسه هههههه لين ايقول وووه ههههههه

انا بناكل علي راصي
يا وي راهي هادي حاجة صعبة ره
و انا منقرمش فيها انا نشكر فيها

ههههههه

هههههههههههههههه

يالله حالة وخلاص ههههههه