من طرف king of janzour الجمعة 15 أكتوبر - 0:03
السلام عليكم
أول حاجة سؤالك في محله وحلو لأن معظم الناس يسألوا فيه
أنا من وجهة نظري هدا كله تفكير غلط يعني
علاش الهندسة مرتبطة بالولاد بس
إلي نقوله بنخش هندسة يقولي متليقش بيك إنتي بنت وهدا مجال ولاد يعني ديمة يكونوا برا متلا مهندس نفط بيمشي للصحراء هو ومهندس الجيولوجيا والبنت عندنا متطلعش إلا مع محرم لان مزال عندنا بعض العائلات المحافظة ( زي انا )ومهندس معماري ديما بحدا العمال هو والمهندس المدني وحتى إن الهندسة تبي تشغيل دماغ
وهدا ما يمشيش معا البنات يمشي معا الولاد اكتر لأن البنات
يحفظوا بس هدا باش هما ديما في علوم الحياة لأنها حفظ
وهدا كله تفكير غلط بالنسبةليا وفيه مجالات هلبا للبنات زي مهندسة ديكور مهندسة حدائق وكمبيوتر وهلبا هلبا مجالات
وفي الأخير أنا نحب الهندسة ورغبتي فيها
مع أن بابا يبيني علوم حياة تخيل لتاني أسبوع في المدرسة يقولي بالك ماعجباتكش الهندسة تبي تغبري للحياة عادي رهوا
نقوله يايابي أنا رغبتي فيها منبيش نكون دكتورة
ولا صيدلية نبيع غير في معجون الأسنان وغيره
نبي هندسة ومن جهة ماما قتلي إنتي على راحتك
وباقي العيلة من خوالي وعمامي فرحوا بيا
( بالمناسبة انا خامس مهندسة من جهة عمامي وتالت مهندسة من جهة خوالي )وربي يوفقني لما يرضيه وأنا استريحت فيها هلبا
.
وموفق يا inter milan على المشاركة الحلوة